Obreros de la lluz. Los poetes de la duración y la elexía posmode

“Cualesquier intentu d’arimase analíticamente a un fenómenu de naturaleza sintética —como la poesía— ta, por definición, condenáu al fracasu”, dicía Joseph Brodsky. Y añedía que “una definición, por definición, llenda; una metáfora, por definición, enancha”. Con esta premisa Martín López-Vega indaga nesi artificiu cargáu de tiempu que ye un poema. Analizando y traduciendo a bien de poetes fundamentales del sieglu XX, el poeta llaniscu fai daqué más que reflexar una tradición determinada: arima, amás, a la poesía asturiana al fértil tueru de la modernidá.